Ժամանակը Երևանում՝ 11:07:36,   29 Հունիս 2022

Ծիծեռնակաբերդի խճուղի տանող ճանապարհահատվածի ամբողջ երկայնքով արգելապատնեշ կկառուցվի

Ծիծեռնակաբերդի խճուղի տանող ճանապարհահատվածի  ամբողջ երկայնքով 
արգելապատնեշ կկառուցվի

ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ։ Երևանի Լենինգրադյան փողոցից դեպի Ծիծեռնակաբերդի խճուղի տանող ճանապարհահատվածի փլուզումը հնարավոր էր կանխարգելել, սակայն այդ մասով համապատասխան եզրակացություն կտան մասնագետները։ «Արմենպրես»-ի հաղորդմամբ՝ այդ մասին Երևանի ավագանու նիստին ասաց քաղաքապետ Հրաչյա Սարգսյանը։

Նրա խոսքով՝ դեռ մի ամիս առաջ ճաքեր նկատվել էին ճանապարհի վրա։

«Եզրակացություն ունենք, որ այդ ճաքերը շինաշխատանքների արդյունքում չեն առաջացել։ Փլուզումը կախված է նաև նրանից, որ այդ ճանապարհը շերտերով հավաքված ճանապարհ է և արգելապատնեշներ չլինելու պատճառով ամբողջությամբ քանդվել է։ Դա միտումնավոր չի իրականացվել, այս պահին ճանապարհը փակ է, միջնաշերտն ամբողջությամբ փորվում է, համաձայնություն կա, որ տասնօրյա ժամկետում կունենանք այն ճանապարհը, որը մինչև փլուզումն էր»,-ասաց քաղաքապետը` հավելելով, որ , ճանապարհի ամբողջ երկայնքով արգելապատնեշ կկառուցվի։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]