Ժամանակը Երևանում՝ 11:07:36,   26 Հունիս 2022

«Զենք. պայքար և մշակույթ» ցուցահանդեսը նվիրված է ՀՀ զինված ուժերի կազմավորման 30-ամյակին

«Զենք. պայքար և մշակույթ» ցուցահանդեսը նվիրված է ՀՀ զինված ուժերի 
կազմավորման 30-ամյակին

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: «Թանգարանների գիշեր» համաեվրոպական միջոցառումների շրջանակում մայիսի 21-ին ժամը 19:30-ին Հայաստանի պատմության թանգարանում տեղի է ունենալու ՀՀ զինված ուժերի կազմավորման 30-ամյակին նվիրված «Զենք. պայքար և մշակույթ» խորագիրը կրող ցուցահանդեսի բացումը:

Ինչպես «Արմենպրես»-ին հայտնում են Կրթության, գիտության, մշակույթի և սպորտի նախարարությունից, ցուցադրվելու են արժեքավոր հնագիտական նմուշներ, Հայաստանին և տարածաշրջանին բնորոշ սառը զենքի տեսակներ (դաշույններ և սրեր), հրազեն, զինագործի գործիքներ, ատրճանակի պատյաններ, փամփշտակալ, հուշային-անվանական զենքեր՝ թրեր, շքադաշույններ, ատրճանակներ և այլ իրեր՝ Հայաստանի պատմության թանգարանի զենքի հավաքածուից:

Ցուցահանդեսի բացման արարողությանը հաջորդելու է ռազմահայրենասիրական երգերի համերգային ծրագիր՝ ՀՀ ոստիկանության զորքերի երգչախմբի կատարմամբ: Երգչախմբի գեղարվեստական ղեկավարն է ավագ-լեյտենանտ Գևորգ Գևորգյանը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]