Ժամանակը Երևանում՝ 11:07:36,   27 Հունիս 2022

Մեկնարկել է «Ես կին եմ» խորագրով միջոցառումների շարքը

Մեկնարկել է «Ես կին եմ» խորագրով միջոցառումների շարքը

ԳՅՈՒՄՐԻ,  20  ՄԱՅԻՍԻ,  ԱՐՄԵՆՊՐԵՍ:  ՄԱԿ-ի բնակչության հիմնադրամը ՕքսեՋեն հիմնադրամի հետ համագործակցությամբ մարզերում մեկնարկել է «Ես կին եմ» խորագրով միջոցառումների շարքը՝ կանանց իրավական գիտակցության բարձրացման, Հայաստանում խտրական, սոցիալական նորմերի և վնասակար գործելակերպերի հաղթահարման, կանանց ու տղամարդկանց հավասար իրավունքների և հավասար հնարավորությունների ապահովման նպատակով։

«Արմենպրես»-ի հաղորդմամբ՝ միջոցառմանը մասնակցել են Շիրակի մարզպետարանի պատասխանատու ստորաբաժանումների կին ղեկավարները: Մասնակիցներին Շիրակի մարզպետի անունից ողջունել է մարզպետի խորհրդական Լիլիթ Մուրադյանը՝ անդրադառնալով տարբեր բնագավառներում կանանց ընդգրկվածության, կանանց դերի բարձրացման անհրաժեշտության, հասարակական-քաղաքական կյանքում կանանց ներգրավվածության դրական միտումների և անելիքների մասին։ 

Գյումրու պետական դրամատիկական թատրոնում ներկաների դատին է հանձնվել նաև «Ես կին եմ» խորագիրը կրող թատերական ներկայացումը, որը երեք կանանց մենախոսություն է՝ տարբեր բնավորություն, սոցիալական տարբեր հենք ունեցող կանանց մասին, որոնք ընտանեկան բռնության են ենթարկվում ու ճակատագրի բերումով անցնում տարբեր փորձությունների միջով։ Ներկայացմանը հաջորդել է թեմայի շուրջ քննարկում-զրույց, որի ժամանակ հանդիսատեսը հնարավորություն է ունեցել ընտանեկան բռնության և դրա կանխարգելման ուղղությամբ անհրաժեշտ քայլերի մասին մտորումները կիսել դերասանների, ռեժիսորի և հոգեբանի հետ:

Արմենուհի Մխոյան

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]