Ժամանակը Երևանում՝ 11:07:36,   9 Օգոստոս 2022

Լիտվայի նախագահը Ծիծեռնակաբերդում հարգանքի տուրք է մատուցել Հայոց ցեղասպանության զոհերի հիշատակին

Լիտվայի նախագահը Ծիծեռնակաբերդում հարգանքի տուրք է մատուցել Հայոց 
ցեղասպանության զոհերի հիշատակին

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Լիտվայի նախագահ Գիտանաս Նաուսեդան Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին:

Լուսանկարները՝ Հայկ Բադալյանի

«Արմենպրես»-ի փոխանցմամբ՝ Լիտվայի նախագահը ծաղկեպսակ է դրել հուշահամալիրի մոտ, ծաղիկներ խոնարհել անմար կրակի մոտ:

Այնուհետև Լիտվայի նախագահը շրջայց է կատարել Հայոց ցեղասպանության թանգարան-ինստիտուտում:

Գիտանաս Նաուսեդան գրառում է արել «Թվիթեր»-ի իր միկրոբլոգում:

«Հարգանքի տուրք մատուցեցի Հայոց ցեղասպանության զոհերի հիշատակին: Դա մարդկության պատմության մութ պահ է, որը երբեք չպետք է մոռացվի: Հիշատակը հավերժ է »,- գրել է Լիտվայի նախագահը:

Լիտվայի Ասամբլեան 2005 թվականի դեկտեմբերի 15-ին ընդունել է Հայոց ցեղասպանությունը ճանաչելու մասին որոշում:

Լիտվայի նախագահ Գիտանաս Նաուսեդան մայիսի 19-ին պաշտոնական այցով ժամանել է Հայաստան:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]