1000х90.jpg (78 KB)

Երևանում՝ 11:07,   28 Մարտ 2024

Լույս է տեսել Լուսինե Հովհաննիսյանի «Երևա, երևա, Երևան» ինքնակենսագրական հուշագրությունը

Լույս է տեսել Լուսինե Հովհաննիսյանի «Երևա, երևա, Երևան» ինքնակենսագրական 
հուշագրությունը

ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Գրող, հրապարակախոս, հոգեբան Լուսինե Հովհաննիսյանի «Երևա, երևա, Երևան» ինքնակենսագրական հուշագրությունը պատմում է խորհրդային ու ներկայի քաղաքի բնակիչների մասին՝ նկարագրելով նրանց հավաքական դեմքը։ Գիրքը վերհիշել է տալիս Երևանի մարդկանց, բույրերը, համերը, գույները, նորաձևությունն ու նույնիսկ սլենգը։

«Արմենպրես»-ի հաղորդմամբ՝ գիրքը, որը  հրատարակել է «Վերնատունը»,  ընթերցողի դեմքին առաջացնում է զգայական բոլոր դիմախաղերը՝ ժպիտ, հուսահատություն, տխրություն, ափսոսանք։ Բայց ամեն բան՝ սահուն հեգնանքով։

Վավերագրության ժամանակագրությունն ապահովելով հանդերձ՝ հեղինակը տեքստում գործածում է ետադարձ անդրադարձումների տեխնիկան՝ ցույց տալու համար երբեմն Երևանի անհետացած անցյալի հակադրվող առավելությունը քաոտիկ իրականության նկատմամբ։

Տեքստում ամեն բան արված է սիրով, հոգատարությամբ, խնամքով, ինչպիսին և հերոսների վերաբերմունքն է միմյանց և քաղաքի հանդեպ։

«Լուսինե Հովհաննիսյանը վավերագրական գրականության ժանրում ստեղծագործող լավագույն հեղինակներից է։ Նա կարողանում է ճշգրտորեն արձանագրել հեռացող ժամանակը»,- Լուսինե Հովհաննիսյանի արձակն այսպես է բնութագրել բանաստեղծ Տիգրան Պասկևիչյանը:

Գրքի խմբագիրը Արմեն Սարգսյանն է, ձևավորումը Արարատ Մինասյանի աշխատանքն է, կազմի հեղինակն է Լիլիթ Ալթունյանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]