Ժամանակը Երևանում՝ 11:07:36,   26 Հունիս 2022

Եվրոպայում գազը թանկացել է մինչև 1066 դոլար հազար խորանարդ մետրի դիմաց

Եվրոպայում գազը թանկացել է մինչև 1066 դոլար հազար խորանարդ մետրի դիմաց

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: ICE Futures բորսայում գազի գինը հազար խորանարդ մետրի դիմաց աճել է մինչև 1066 դոլար՝ թանկանալով 12%-ով: «Արմենպրես»-ի հաղորդմամբ՝ այս մասին հայտնում է gazeta.ru-ն՝ վկայակոչելով բորսայի տվյալները։

Մայիսի 17-ին գինը նվազագույնը 955 դոլար էր։ Գինը սկսեց բարձրանալ այն բանից հետո, երբ հայտնի դարձավ Ֆինլանդիայի՝ ռուսական գազի դիմաց ռուբլով վճարելուց հրաժարվելու որոշման մասին։

Ավելի վաղ՝ մայիսի 17-ին, ֆիննական Gasum բաշխիչ պետական ընկերությունը հայտարարել էր, որ չի ընդունել գազի վճարման նոր համակարգին անցնելու Ռուսաստանի պահանջը:

Ֆինլանդիան ռուսական բնական գազ է ներկրում ավելի քան 45 տարի։ Վերջին անգամ «Գազպրոմը» և Gasumերկարաձգել են պայմանագիրը 2015 թվականի դեկտեմբերին։ Համաձայնագիրն ուժի մեջ է մինչև 2031 թվականի դեկտեմբերի 31-ը։

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]