Ժամանակը Երևանում՝ 11:07:36,   28 Մայիս 2022

Շոլցը հայտնել է ՌԴ-ի նկատմամբ պատժամիջոցները չեղարկելու պայմանը

Շոլցը հայտնել է ՌԴ-ի նկատմամբ պատժամիջոցները չեղարկելու պայմանը

ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Գերմանիայի կանցլեր Օլաֆ Շոլցը հայտարարել է, որ Ռուսաստանի նախագահ Վլադիմիր Պուտինի հետ վերջին հեռախոսազրույցի ժամանակ նրա մոտ չի տեսել ձգտում՝ փոխելու Ուկրաինայի հարցով դիրքորոշումը: «Արմենպրես»-ի փոխանցմամբ, այս մասին Շոլցն ասել է t-online պորտալին տված հարցազրույցում:

Կանցլերը նշել է, թե Մոսկվան չի հասել որևէ նպատակի, որի մասին նշել էր Ուկրաինայում ռազմական գործողությունների մեկնարկին:

Շոլցը հայտարարել է, որ Ռուսաստանի նկատմամբ պատժամիջոցները չեղարկելու միակ հնարավորությունը Մոսկվայի ու Կիևի միջև խաղաղ համաձայնագրի կնքումն է: Նա կրկին կոչ է արել ՌԴ-ին զորքերը դուրս բերել Ուկրաինայի տարածքից:

Գերմանիայի կանցլերն անդրադարձել է նաև ՆԱՏՕ-ին Ֆինլանդիայի ու Շվեդիայի միանալու հավանականությանը՝ հայտարարելով, որ այդպիսով Հյուսիսատլանտյան դաշինքն ավելի քան երբևէ ամուր կլինի:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]