ՈՒԵՖԱ Մ-15 Զարգացման մրցաշար․ Հայաստանի Մ-15 հավաքականը երկրորդն է
20:21, 12 Մայիս 2022
ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Երևանում ավարտվեց ՈՒԵՖԱ Մ-15 Զարգացման մրցաշարը։Հայաստանի Մ-15 հավաքականը իր վերջին հանդիպումն անցկացրեց՝ մրցելով Վրաստանի Մ-15 ընտրանու հետ և պարտվեց 0։2 հաշվով։
«Արմենպրես»-ի հաղորդմամբ` այս մասին հայտնում է ՀՖՖ-ն: Վաստակելով 6 միավոր՝ ՀայաստանիՄ-15 հավաքականը զբաղեցրեց 2-րդ հորիզոնականը։ 7 միավորով ՈՒԵՖԱ Մ-15 Զարգացմանմրցաշարի հաղթողի կոչումը նվաճեց Վրաստանի ընտրանին։ 3-րդ տեղը զբաղեցրեց Մոլդովան՝ 5 միավորով, իսկ մրցաշարային աղյուսակը առանց միավորի եզրափակեց Լիբանանը։
Մրցաշարի լավագույն ֆուտբոլիստ ճանաչվեց Վրաստանի հավաքականի ֆուտբոլիստ ԱլեքսանդրԱմիսուլաշվիլին։
Բաժանորդագրվեք մեր ալիքին Telegram-ում