ՀՖՖ-ն Արցախի բոլոր դպրոցներին և մարզադպրոցներին գնդակներ է նվիրել
ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի ֆեդերացիան, ԱրցախիՀանրապետության ԿԳՄՍ նախարարության հետ համագործակցությամբ, Արցախի բոլոր 117 դպրոցներին և մարզադպրոցներին նվիրել է շուրջ 850 գնդակ։
«Արմենպրես»-ի հաղորդմամբ` այս մասին հայտնում է ՀՖՖ-ն: ՀՖՖ ներկայացուցիչներն այցելել են Արցախ, որտեղ հանդիպումներ են ունեցել Արցախի ԿԳՄՍ նախարար Անահիտ Հակոբյանի հետ, այցելել են Ստեփանակերտի՝ Ստեփան Շահումյանի անվան մարզադաշտ, հանդիպել հանրակրթական դպրոցների ներկայացուցիչներին և նվիրել գնդակներ: Նախաձեռնությունն իրականացվել է Արցախում «Երկարօրյա դպրոց» ծրագրի շրջանակում՝ «Թիմային խաղ, թիմային աշխատանք» նշանաբանի ներքո։ Այն նպատակ ունի համալրել երկարօրյա ուսուցման սպորտային բաղադրիչը և նպաստել պատանեկան ֆուտբոլի զարգացմանը Արցախի բոլոր համայնքներում։
Բաժանորդագրվեք մեր ալիքին Telegram-ում