Հրաչյա Սարգսյանը հարգանքի տուրք է մատուցել Հայրենական մեծ պատերազմի և Շուշիի ազատագրման ժամանակ զոհված հերոսների հիշատակին
14:27, 9 Մայիս 2022
ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ: Երևանի քաղաքապետ Հրաչյա Սարգսյանը բարձրաստիճան պաշտոնյաների, զինվորականների, վետերանների ու նրանց հարազատների հետ այցելել է Մայր Հայաստան հուշահամալիր: «Արմենպրես»-ին այս մասին հայտնեցին Երևանի քաղաքապետարանի լրատվության վարչությունից:
Ծաղիկներ խոնարհելով՝ ներկաները հարգանքի տուրք են մատուցել Հայրենական մեծ պատերազմում և Շուշիի ազատագրման պայքարում զոհված հերոսների հիշատակին: Հաղթանակի օրվա առթիվ կազմակերպված զինվորական քայլերթից հետո քաղաքապետ Հրաչյա Սարգսյանը զրուցել է վետերանների հետ, շնորհավորել Հայրենական մեծ պատերազմում տարած հաղթանակի 77-ամյակի առթիվ և քաջառողջություն մաղթել նրանց:
Բաժանորդագրվեք մեր ալիքին Telegram-ում