Երևանում՝ 11:07,   27 Մայիս 2024

Հայաստանում բանկային հաշիվներ են բացել մոտ 16 հազար ոչ ռեզիդենտներ

Հայաստանում բանկային հաշիվներ են բացել մոտ 16 հազար ոչ ռեզիդենտներ

ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Հայաստանի բանկերում մոտ 16 հազար ոչ ռեզիդենտներ բացել են նոր հաշիվներ, նրանց զգալի մասը Ռուսաստանի ռեզիդենտներ են: «Արմենպրես»-ի հաղորդմամբ՝ այս մասին ասաց ՀՀ ԿԲ նախագահ Մարտին Գալստյանը:

Ըստ նրա՝ աշխարհում բանկային համակարգերում ավանդաբար կան խաղի հստակ կանոններ. ոչ ռեզիդենտներն ավելի խիստ հսկողության ներքո են գտնվում միշտ:

«Հայաստանի բանկային համակարգը ստեղծված իրավիճակում շատ ճիշտ աշխատանք է իրականացնում այն առումով, որ պահպանվում են բոլոր միջազգային նորմերը: Միևնույն ժամանակ մենք տեսնում ենք, որ այդ նորմերի ներքո մենք ունենք ոչ միայն ՌԴ-ի, այլ նաև այլ երկրների քաղաքացիներ, որոնք բանկ մուտք գործելով և ապացուցելով, որ իրենց տնտեսական շահի կենտրոնը տեղափոխվում է Հայաստան, հնարավորություն են ունենում բացել հաշիվներ ՀՀ առևտրային բանկերում, սպասարկվել ՀՀ բանկային համակարգում: Այդպիսի հաճախորդների թիվը, եթե ես չեմ սխալվում, ներկայումս մոտ 16 հազար է»,-ասաց Գալստյանը:

Ռուսաստանի ռեզիդենտներն այդ նոր հաճախորդների զգալի մասն են կազմում:

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am