Ճապոնացի հայագետը Ներսես Շնորհալու և Հայ Առաքելական Եկեղեցու մասին գիրք է հրատարակել
10:48, 26 Ապրիլ 2022
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Ճապոնիայում ՀՀ դեսպան Արեգ Հովհաննիսյանն օրերս ընդունել է հայագիտություն ուսումնասիրող ճապոնացի Կարեն Համադային, որը գիրք է հրատարակել հայ ականավոր եկեղեցական գործիչ, աստվածաբան, բանաստեղծ և երգահան Ներսես Շնորհալու և Հայ Առաքելական Եկեղեցու մասին:
«Արմենպրես»-ի հաղորդմամբ՝ այս մասին հայտնում է Ճապոնիայում Հայաստանի դեսպանությունը:
Գիրքը ճապոներեն առաջին աշխատությունն է, որն անդրադառնում է Ներսես Շնորհալու գործունեությանը և հայ քրիստոնեությանը: Գրքի մի մասը Համադան թարգմանել է Շնորհալու աշխատությունից՝ գրաբարով: Համադան մինչ այդ հեղինակել է մի շարք հոդվածներ Հայաստանում քրիստոնեության պատմության մասին:
Բաժանորդագրվեք մեր ալիքին Telegram-ում