Երևանում՝ 11:07,   20 Մայիս 2024

Ուկրաինան և ՌԴ-ն պայմանավորվել են հումանիտար միջանցքների համար ժամանակավոր հրադադարի հնարավորության շուրջ

Ուկրաինան և ՌԴ-ն պայմանավորվել են հումանիտար միջանցքների համար 
ժամանակավոր հրադադարի հնարավորության շուրջ

ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Ավարտվել է Ուկրաինայի և Ռուսաստանի պատվիրակությունների միջև բանակցությունների երկրորդ փուլը: Ինչպես տեղեկացնում է «Արմենպրես»-ը, հղում անելով «Բելտա»-ին, լրագրողների հետ զրույցում այս մասին հայտնել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը:

«Ցավոք, չենք ստացել այն արդյունքները, որոնք ակնկալում էինք: Եվ միակ բանը, ինչ կարող եմ ասել, որ մանրակրկիտ քննարկվել են մարդասիրական ասպեկտները, որովհետև շատ քաղաքներ ներկայումս գտնվում են շրջափակման մեջ, դրամատիկ իրավիճակ է սննդի և բժշկական պարագաների հետ կապված»,- ասել է Պոդոլյակը:

Նա ընթերցել է այն դրույթը, որի շուրջ երկու կողմերը պայմանավորվածություն են ձեռք բերել:

«Ռուսաստանը եւ Ուկրաինան պայմանավորվել են մի շարք հումանիտար հարցերի շուրջ, այդ թվում ՝ հումանիտար միջանցքների կազմակերպման համար ժամանակավոր հրադադարի հնարավորության շուրջ»,- ասել է Պոդոլյակը:

Նա հավելել է նաև, որ կողմերը բանակցությունները կշարունակեն երրորդ փուլում մոտակա ժամկետներում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am