ՀՀ վարչապետը համոզված է, որ հայ-ռուսական հարաբերությունները դինամիկ ձևով զարգանում են
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ։ Հայ-ռուսական հարաբերությունները դինամիկ ձևով զարգանում են և ինչպես եղել են, այնպես էլ շարունակվում են մնալ ռազմավարական և դաշնակցային, որոնք շատ կարևոր տնտեսական կոմպոնենտով են ամրապնդված՝ ԵԱՏՄ-ում Հայաստանի և ՌԴ մասնակցությամբ։ «Արմենպրես»-ի հաղորդմամբ՝ այս մասին ասաց ՀՀ վարչապետ Նիկոլ Փաշինյանը՝ ԶԼՄ-ների և հասարակական կազմակերպությունների ներկայացուցիչների համար կազմակերպված առցանց ասուլիսի շրջանակում՝ պատասխանելով հարցին, թե ինչպես է գնահատում հայ-ռուսական հարաբերությունների ներկա վիճակը։
«Հույս ունեմ և համոզված եմ, որ Հայաստանի և Ռուսաստանի միջև հարաբերությունների զարգացման այդ դինամիկան ոչ միայն կպահպանվի, այլև ավելի արդյունավետ կդառնա»,- ասաց Փաշինյանը։
Անդրադառնալով հարցին, թե ինչպե՞ս է տեսնում Ռուսաստանի հայության դերակատարումը հայ-ռուսական հարաբերությունների հետագա զարգացման գործում, Փաշինյանը պատասխանեց, որ հայ համայնքը կարող է օգնել Հայաստանում ներդրումներ անելով, շատ կարևոր է նաև, որ հայ համայնքը իսկապես ցանկանա, որպեսզի հայ-ռուսական հարաբերությունները զարգանան, այլ ոչ թե որոշ շրջանակներ իրենց նեղ շահերից ելնելով ամեն ինչ անեն, որպեսզի Հայաստան-Ռուսաստան հարաբերութուններում խնդիրներ առաջանան
Բաժանորդագրվեք մեր ալիքին Telegram-ում