Հայաստանում օդի ջերմաստիճանը կբարձրանա 4-6 աստիճանով
14:31, 22 Հունվար 2022
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Հայաստանում հունվարի 22-ի ցերեկը, 23-ին, 25-26-ը սպասվում է առանց տեղումների եղանակ, 24-ին առավոտյան ժամերին առանձին շրջաններում, 27-ին շրջանների զգալի մասում սպասվում է ձյուն և մառախուղ:
«Արմենպրես»-ի հաղորդմամբ՝ այս մասին հայտնում են ՀՀ արտակարգ իրավիճակների նախարարությունից:
Քամին՝ հյուսիս-արևմտյան՝ 2-5 մ/վ:
Օդի ջերմաստիճանը 23-ի և 24-ի գիշերը աստիճանաբար կբարձրանա 4-6 աստիճանով:
Երևան քաղաքում հունվարի 22-ի ցերեկը, 23-ին, 25-26-ը սպասվում է առանց տեղումների եղանակ, 24-ին առավոտյան ժամերին հնարավոր է թույլ ձյուն, 27-ին սպասվում է ձյուն:
Բաժանորդագրվեք մեր ալիքին Telegram-ում