Տոյվո Կլաարը տարածաշրջանային այցի շրջանակներում հանդիպումներ կունենա Հայաստանի և Ադրբեջանի ղեկավարների հետ
17:39, 20 Հունվար 2022
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Հարավային Կովկասում և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարը Ուկրաինայում և Կիպրոսում Ֆրանսիայի նախկին դեսպան Իզաբել Դյումոնի հետ տարածաշրջանային այցի շրջանակներում կլինի Հայաստանում և Ադրբեջանում:
«Արմենպրես»-ի հաղորդմամբ՝ Տոյվո Կլաարն այդ մասին գրառում է կատարել «Թվիթեր»-ում:
«Բրյուսելյան հանդիպումների արդյունքներով հաճելի է Իզաբել Դյումոնի և գործընկերներիս հետ համատեղ այցով վերադառնալ տարածաշրջան: Անհամբեր սպասում եմ բովանդակալից հանդիպման Հայաստանի ու Ադրբեջանի ղեկավարների հետ առաջիկա օրերին»,-նշել է Տոյվո Կլաարը:
Բաժանորդագրվեք մեր ալիքին Telegram-ում