Շիրակի մարզում կան դժվարանցանելի ճանապարհներ
ԳՅՈՒՄՐԻ, 20 ՀՈՒՆՎԱՐԻ, ԱՐՄԵՆՊՐԵՍ: Շիրակի մարզի մի շարք ճանապարհներ դժվարանցանելի են:
Այս մասին «Արմենպրես»-ին տեղեկացրին Շիրակի մարզպետարանի քաղաքաշինության բաժնից տեղեկացնում են, որ չնայած 10:00-ի դրությամբ Շիրակի մարզում փակ ճանապարհներ չկան, բայց դրանք դժվարանցանելի են գրեթե բոլոր ուղղություններով: «Գիշերվանից սկսված ձնաբուքն այս պահին էլ շարունակվում է, ինչը դժվարացնում է մաքրման աշխատանքները: Հիմնականում դժվարանցանելի են Ջաջուռ, Բավրա, Լանջիկ, Մանթաշ, Ջրառատ տանող ճանապարհները: Տեսանելիությունը 20-30 մ է, իսկ որոշ հատվածներում՝ ավելի ցածր»,-նշեց քաղաքաշինության վարչության պետ Խաչատուր Խնձրցյանը՝ վարորդներին հորդորելով երթևեկել միայն խիստ անհրաժեշտության դեպքում։
Մարզի ճանապարհները սպասարկող ընկերությունները կենտրոնացրել են բոլոր ուժերը ճանապարհները մաքրելու համար, ընդհանուր առմամբ 22 միավոր տեխնիկա է այս պահին աշխատում տարբեր հատվածներում։
Արմենուհի Մխոյան
Բաժանորդագրվեք մեր ալիքին Telegram-ում