Ժամանակը Երևանում՝ 11:07:36,   22 Մայիս

ԱՄՆ մեկնելու դեպքում Արթուր Վանեցյանը մեկնելու էր պետական միջոցներով, ինչպես պատվիրակության մյուս անդամները. ԱԺ

ԱՄՆ մեկնելու դեպքում Արթուր Վանեցյանը մեկնելու էր պետական միջոցներով, ինչպես 
պատվիրակության մյուս անդամները. ԱԺ

ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության Ազգային ժողովից մեկնաբանել են ԱԺ «Պատիվ ունեմ» խմբակցության ղեկավար Արթուր Վանեցյանի հունվարի 17-ի այն հայտարարությունը, թե ԱԺ նախագահի գլխավորած պատվիրակության կազմում ԱՄՆ մեկնելու պարագայում նա մեկնելու էր ոչ թե պետական, այլ` իր սեփական միջոցներով:

Ազգային ժողովից «Արմենպրես»-ին փոխանցեցին, որ ԱԺ նախագահ Ալեն Սիմոնյանի գլխավորած պատվիրակության կազմում ԱՄՆ մեկնելու պարագայում Արթուր Վանեցյանը մեկնելու էր պետական միջոցների հաշվին, ինչպես պատվիրակության մյուս անդամները:

ՀՀ ԱԺ նախագահ Ալեն Սիմոնյանի գլխավորած պատվիրակությունը հունվարի 15-20-ը գործուղվել է ԱՄՆ: Պատվիրակության կազմում ընդգրկված են «Քաղաքացիական պայմանագիր» խմբակցության ղեկավար Հայկ Կոնջորյանը, պատգամավոր Մարիա Կարապետյանը և մի խումբ աշխատակիցներ՝ ԱԺ աշխատակազմից:

Պատվիրակության կազմում պետք է լիներ նաև «Պատիվ ունեմ» խմբակցության ղեկավար Արթուր Վանեցյանը, սակայն «Հայրենիք» կուսակցության խոսնակ Սոս Հակոբյանը հայտնել էր, որ Արթուր Վանեցյանը չեղարկել է իր աշխատանքային այցն ԱՄՆ, քանի որ Ներկայացուցիչների պալատի խոսնակ Նենսի Փելոսիի հետ հանդիպմանը հայկական կողմից պետ է մասնակցեր երեք հոգի և որոշում է կայացվել Վանեցյանին չներառել այդ կազմում:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]