Ժամանակը Երևանում՝ 11:07:36,   27 Հունվար

«Գրեմմի»-ի մրցանակաբաշխությունը օմիկրոնի պատճառով կարող է այս տարի ևս հետաձգվել

«Գրեմմի»-ի մրցանակաբաշխությունը օմիկրոնի պատճառով կարող է այս տարի ևս 
հետաձգվել

ԵՐԵՎԱՆ, 4 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի ձայնագրման ակադեմիան «Գրեմմի»-ի երաժշտական 64-րդ մրցանակաբաշխության արարողությունն ավելի վաղ պլանավորված հունվարի 31-ից կարող Է ավելի ուշ ժամկետ տեղափոխել ԱՄՆ-ում COVID-19-ի բռնկման պատճառով: Այդ մասին, ինչպես տեղեկացնում Է «Արմենպրես»-ը, The Wall Street Journal հրատարակությանը հաղորդել են իրազեկված աղբյուրները:

Այդպիսի որոշում ընդունելու դեպքում արարողությունը կարող Է հետաձգվել երկրորդ տարին անընդմեջ: Անցյալ տարի «Գրեմմի» մրցանակը հանձնել են մարտի 14-ին՝ ավելի վաղ պլանավորված հունվարի 31-ի փոխարեն:

Այն ժամանակ նույնպես որոշվել Էր շոուն Staples Center-ից, որը ներկայում կրում Է Crypto.com Arena անվանումը, տեղափոխել Los Angeles Convention Center, որի մակերեսն ավելի մեծ Է:

«Գրեմմի» մրցանակի անվանակարգերը հայտարարվել են նոյեմբերի 23-ին: Կատարող Ջոն Բատիստն ստացել Է ամենից շատ անվանակարգերը՝ 11: Նրան հաջորդում են Doja Cat-ը, H.E.R.-ը եւ Ջասթին Բիբերը՝ յուրաքանչյուրն ստանալով ութական անվանակարգ: Այս տարի «Գրեմմի»-ի հանձնման պատմության մեջ առաջին անգամ այսպես կոչված «Մեծ քառյակի» (ալբոմ, սկավառակ եւ տարվա երգ, ինչպես նաեւ լավագույն նոր կատարող) յուրաքանչյուր կատեգորիայում անվանակարգվել Է 10-ական կատարող, հաղորդել Է «Ինտերֆաքս»-ը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]