Լույս աշխարհ Է եկել Բորիս Ջոնսոնի յոթերորդ զավակը
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի վարչապետ Բորիս Ջոնսոնը յոթերորդ անգամ հայր Է դարձել. նրա կինը՝ Քերրին, դուստր Է լույս աշխարհ բերել: Այդ մասին, ինչպես տեղեկացնում Է «Արմենպրես»-ը, հաղորդել Է Sky News հեռուստաալիքը՝ վկայակոչելով զույգի ներկայացուցչին:
«Վարչապետը եւ տիկին Ջոնսոնն ուրախ են այսօր հայտարարել, որ առողջ դուստր Է ծնվել լոնդոնյան հիվանդանոցում»,-հայտարարել Է ներկայացուցիչը: Մայիսին հայտնի դարձավ, որ Ջոնսոնը եւ նրա հարսնացուն՝ Քերրի Սայմոնդսը, ամուսնացել են գաղտնի արարողությամբ. զույգն արդեն երեխա ունի, 2020 թվականի ապրիլի վերջին ծնվել Է Ջոնսոնի եւ Սայմոնդսի որդին, որին անվանել են Ուիլֆրեդ:
Բացի այդ, Ջոնսոնը չորս չափահաս զավակ ունի իրավաբան Մարինա Ուիլերի հետ ամուսնությունից, արտամուսնական դուստր՝ արվեստագետ Հելեն Մաքինթայրից եւ, ըստ որոշ տվյալների, կա եւս մեկ արտամուսնական երեխա: Ջոնսոնն ավելի վաղ հաստատել Է, որ ինքը վեց զավակ ունի, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում