Շիրակի մարզի բոլոր ավտոճանապարհները երթևեկելի են
10:41, 9 Դեկտեմբեր 2021
ԳՅՈՒՄՐԻ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Դեկտեմբերի 9-ի ժամը 9.00-ի դրությամբ Շիրակի մարզի բոլոր ավտոճանապարհները բավարար չափով երթևեկելի են։
Ինչպես «Արմենպրես»-ին տեղեկացրին Շիրակի մարզպետարանի տեղեկատվության ու հասարակայնության հետ կապերի բաժնից՝ Արթիկի, Աշոցքի, Ամասիայի, Անիի, Ախուրյանի տարածաշրջաններում թույլ մառախուղ է։ Սպասարկող ընկերությունների կողմից կատարվում են ճանապարհների երթևեկելի հատվածների ձյան շերտից մաքրման և աղով ու ավազով մշակման աշխատանքներ։ Այս պահին մարզի ճանապարհներին աշխատում է 14 միավոր տարբեր տեխնիկա։
Մարզպետարանը վարորդներին հորդորում է երթևեկել միայն անհրաժեշտության դեպքում և ձմեռային անվադողերով։
Արմենուհի Մխոյան
Բաժանորդագրվեք մեր ալիքին Telegram-ում