«Ռոսկոսմոս»-ը հայտնել է Լուսնի շուրջ զբոսաշրջային թռիչքներ իրականացնելու հնարավոր ժամկետը
20:36, 8 Դեկտեմբեր 2021
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: «Ռոսկոսմոս»-ը տիեզերական զբոսաշրջիկներին 2030 թվականից հետո կարող է առաջարկել թռիչքներ Լուսնի շուրջ: Ինչպես փոխանցում է «Արմենպրես»-ը, այս մասին հայտնել է «Ռոսկոսմոս»-ի գլխավոր տնօրեն Դմիտրի Ռոգոզինը՝ պատասխանելով կոմերցիոն թռիչքների հեռանկարների մասին հարցին:
Նա հիշեցրել է, որ անօդաչու ռեժիմով լուսնային «Орел» տիեզերանավի առաջին թռիչքը նախատեսված է 2023 թվականի վերջին:
Ավելի վաղ Ռոգոզինը հայտնել էր, որ «Орел» տիեզերանավը օդաչուով թռիչք կիրականացնի Լուսնի շուրջ 2028 թվականին:
Բաժանորդագրվեք մեր ալիքին Telegram-ում