Ֆրանսիայում ձերբակալել են սուրբծննդյան տոներին հարձակում ծրագրած երկու անձի
20:18, 8 Դեկտեմբեր 2021
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիայի հատուկ ծառայությունները նոյեմբերի 29-ին ձերբակալել են երկու անձի, ովքեր կասկածվում են սուրբծննդյան տոնակատարությունների ընթացքում դանակով հարձակումներ նախապատրաստելու մեջ: Ինչպես փոխանցում է «Արմենպրես»-ը, այս մասին հայտնում է ՏԱՍՍ-ը:
Նշվում է, որ կասկածյալները մտադրված են եղել հարձակումներ իրականացնել հանրային վայրերում, մասնավորապես՝ առևտրի կենտրոններում, համալսարաններում ու մարդաշատ փողոցներում:
Դեկտեմբերի 3-ին նրանց մեղադրանք է առաջադրվել: Նախաքննությունն իրականացնում է ազգային հակաահաբեկչական դատախազությունը:
Կասկածյալներից մեկի բնակարանում հայտնաբերվել են «Իսլամական պետություն» ահաբեկչական կազմակերպության քարոզչական նյութեր:
Բաժանորդագրվեք մեր ալիքին Telegram-ում