Ռուսաստանը եւ Եգիպտոսը զորավարժանքներ են սկսել Միջերկրական ծովում
16:28, 6 Դեկտեմբեր 2021
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Միջերկրական ծովում մեկնարկել Է Ռուսաստանի Սեւծովյան նավատորմի եւ Եգիպտոսի ռազմածովային ուժերի համատեղ զորավարժանքների եռօրյա փուլը: Այդ մասին, ինչպես տեղեկացնում Է «Արմենպրես»-ը, հաղորդել Է Սեւծովյան նավատորմի տեղեկատվական ապահովման բաժինը:
«Ռուսաստանի Սեւծովյան նավատորմի (ՍԾՆ) եւ Եգիպտոսի Արաբական Հանրապետության ռազմածովային ուժերի (ՌԾՈւ) նավերի անձնակազմերը ձեռնամուխ են եղել «Բարեկամության կամուրջ-2021» համատեղ ռազմածովային զորավարժությունների եռօրյա ծովային փուլի անցկացմանը»,-ասվում Է հաղորդագրության մեջ:
Ինչպես ճշտվում Է հաղորդագրության մեջ, Ռուսաստանի ռազմածովային նավատորմի նավերի ջոկատի կազմի մեջ մտնում են «Ադմիրալ Գրիգորովիչ» ֆրեգատը՝ Կա-27ՊՍ ուղղաթիռով, «Դմիտրի Ռոգաչով» պարեկային նավը եւ ՍԲ-742 փրկարար քարշիչը: Եգիպտոսի ռազմածովային ուժերի նավերի ջոկատը ներկայացնում են մեկ ֆրեգատը, երկու հետախուզական ռազմանավարը եւ մեկ ապահովման նավը:
Զորավարժանքների ծովային փուլի ընթացքում զինվորական նավաստիներն օգնություն կցուցաբերեն աղետի ենթարկվող նավին, հակահարված կտան վերջրյա միջոցների գրոհներին, զննության գործողություններ կանցկացնեն «կասկածելի նավերի նկատմամբ», նշում Է գերատեսչությունը:
«Բարեկամության կամուրջ» ռուս-եգիպտական զորավարժանքներն անցկացվում են 2015 թվականից, 2020 թվականին այն անցկացվել Է Սեւ ծովի ջրատարածքում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում