Ժամանակը Երևանում՝ 11:07:36,   27 Հունվար

ՀՀ նախագահը և տիկին Նունե Սարգսյանը Ազգային պատկերասրահում դիտել են «Մեկ օր Պոմպեյում» ցուցադրությունը

ՀՀ նախագահը և տիկին Նունե Սարգսյանը Ազգային պատկերասրահում դիտել են «Մեկ 
օր Պոմպեյում» ցուցադրությունը

ԵՐԵՎԱՆ, 6 ԴԵԿՏԵՄԲԵՐԻ,  ԱՐՄԵՆՊՐԵՍ: Հանրապետության նախագահ Արմեն Սարգսյանը տիկնոջ՝ Նունե Սարգսյանի հետ, դեկտեմբերի 5-ին այցելել է Հայաստանի ազգային պատկերասրահ, դիտել «Մեկ օր Պոմպեյում» ցուցադրությունը։

«Արմենպրես»-ի փոխանցմամբ՝ այս մասին տեղեկանում ենք նախագահի աշխատակազմի տարածած հաղորդագրությունից, որում նաև նշված է, որ ցուցադրությունը կազմակերպվել է Հայաստանի ազգային պատկերասրահի, Հայաստանում Իտալիայի դեսպանության և Պոմպեյի հնագիտական արգելոցի համագործակցությամբ և կգործի մինչև 2022 թ. հունվարի 16-ը;

Արմեն Սարգսյանը և տիկին Նունե Սարգսյանը, Հայաստանում Իտալիայի դեսպան Ալֆոնսո Դի Ռիզոյի ուղեկցությամբ, շրջել են ցուցասրահներում և ծանոթացել հռոմեական հնագույն քաղաքի հնագիտական ցուցանմուշներին: Դրանց թվում են մեր թվարկության առաջին դարում Վեզուվի ժայթքման հետևանքով կործանված հռոմեական քաղաքի՝ Պոմպեյի առօրյան, նիստուկացը, բարքերն ու սովորույթներն արտացոլող կենցաղային իրեր, մարմարե ու բրոնզե արձանիկներ, ոսկե, արծաթե զարդեր, որմնանկարների բեկորներ և այլ եզակի նմուշներ:

Մշակութային շրջայցից հետո նախագահ Սարգսյանը Իտալիայի դեսպանի հետ քննարկում է ունեցել Հանրապետության նախագահի աշխատակազմի հետ համատեղ մշակութային ծրագրերը շարունակելու շուրջ։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]