ՊԵԿ նախագահը իրատեսական է համարում հարկային եկամուտների գերակատարումը
11:50, 1 Դեկտեմբեր 2021
ԵՐԵՎԱՆ,1 ԴԵԿՏԵՄԲԵՐԻ, ԱՐՄԵՆՊՐԵՍ: Պետական եկամուտների կոմիտեի ուսուսմնասիրությունները ցույց են տալիս, որ վերանայված բյուջեով հարկային եկամուտները կկատարվեն, հնարավոր է գերակատարվեն:
Ինչպես տեղեկացնում է «Արմենպրես»-ը, լրագրողների հետ զրույցում այս մասին ասաց ՊԵԿ նախագահ Ռուստամ Բադասյանը՝ ճեպազրույցի ժամանակ պատասխանելով լրագրողներից մեկի հարցին, թե ինչ ցուցանիշով ՊԵԿ-ը տարին կփակի հարկային եկամուտների մասով:
«Մենք ունենք հետևյալ ցուցանիշը` 1 տրիլիոն 581 միլիարդ դրամ բյուջեի եկամուտ: Կարող եմ նշել, որ այդ թիվը ոչ միայն իրատեսական է, այլ նաև, կարծում եմ, որ որոշակի գերակատարում կունենանք»,- ասաց Բադասյանը:
Բաժանորդագրվեք մեր ալիքին Telegram-ում