Արա Բաբլոյանը Covid-ի դեմ պայքարի հիմնական միջոց է համարում պատվաստումը
09:47, 1 Դեկտեմբեր 2021
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: «Արաբկիր» բժշկական կենտրոնի գիտական ղեկավար, ՀՀ առողջապահության նախկին նախարար Արա Բաբլոյանը կորոնավիրուսի համավարակի դեմ պայքարելու և դրա տարածումը կանխելու հիմնական միջոցը պատվաստումն է համարում: «Արմենպրես»-ի փոխանցմամբ՝ Արա Բաբլոյանն այդ մասին ասել է ՀՀ առողջապահության նախարարության տարածած տեսանյութում:
«Դեռ անցած տարի մարտին ես իմ կարծիքը ներկայացրեցի, որ այս համաճարակի դեմ պայքարելու հիմնական միջոցը պատվաստումն է: Ես շարունակում եմ մնալ իմ կարծիքին: Եվ դրա վառ ապացույցն այն երկրների ցուցանիշներն են, որտեղ բավականին մեծ տոկոսով բնակչությունը պատվաստված է, և մահացությունը մի քանի անգամ ավելի ցածր է, քան Հայաստանում»,- նշում է Բաբլոյանը:
Բաժանորդագրվեք մեր ալիքին Telegram-ում