Ժամանակը Երևանում՝ 11:07:36,   19 Հունվար

Հայաստանում ԵՄ դեսպանն այցելել է Զինվորի տուն

Հայաստանում ԵՄ դեսպանն այցելել է Զինվորի տուն

ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Բժշկական համալսարանի ռեկտոր Արմեն Մուրադյանն ու Զինվորի տան տնօրեն Հայկուհի Մինասյանը  Զինվորի տուն այցելած Հայաստանում Եվրոպական Միության դեսպան Անդրեա Վիկտորինին ծանոթացրել են տղաների բուժման, վերականգնման պայմաններին:

«Արմենպրես»-ի փոխանցմամբ՝ այս մասին հայտնում են Զոնվորի տանից, մանրամասնելով, որ  ԵՄ դեսպանին ներկայացրել են նաև, թե սոցիալական, կրթական ու մշակութային ինչ ծրագրեր են այստեղ իրականացվում:

Անդրեա Վիկտորինը ներկա է գտնվել նաև Զինվորի տանն անցկացվող կինոդասընթացներից մեկին: Նշվում է, որ երբ տիկին դեսպանին ցուցադրվել են պրոթեզավորված ոտքերով և անվասայլակներով տղաների պարերը, նա խոստովանել է, որ շատ տպավորված է այն ամենով, ինչ արվում է Զինվորի տանը:

Տիկին դեսպանն առաջարկել է հետագայում քննարկել մասնագիտական վերապատրաստումների և այլ համատեղ ծրագրեր:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]