Ժամանակը Երևանում՝ 11:07:36,   28 Նոյեմբեր

Կուզբասի ածխահանքում բռնկված հրդեհի հետևանքով զոհվել է 14 մարդ

Կուզբասի ածխահանքում բռնկված հրդեհի հետևանքով զոհվել է 14 մարդ

ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության Կեմերովոյի մարզի Բելովո շրջանի «Լիստվյաժնայա» ածխահանքում բռնկված հրդեհի հետևանքով զոհվել է 14 մարդ, այդ թվում երեք փրկարարներ, ևս երեքը անհայտ կորած են: «Արմենպրես»-ի հաղորդմամբ՝ այդ մասին հայտնում է ՏԱՍՍ-ը՝ հավելելով, որ տեղի ունեցած ողբերգական միջադեպից ընդհանուր առմամբ տուժել է 51 հոգի, որոնցից 39-ը հոսպիտալացվել են: Նրանցից չորսի վիճակը ծանր է:

Կուզբասի ածխահանքում ծխացման և պայթյունի մասին հաղորդումը ստացվել էր տեղական ժամանակով 09:08-ին (Երևանի ժամանակով՝ 17:08-ին), սակայն ՌԴ արտակարգ իրավիճակների նախարարի պաշտոնակատար Ալեքսանդր Չուպրիյանը հայտարարել է, որ ԱԻՆ-ը տվյալներ չունի «Լիստվյաժնայա» հանքում պայթյունի մասին: ՌԴ ԱԻՆ-ի տեղեկություններով՝ ծխացումը տեղի է ունեցել 250 մ խորության վրա: Արտակարգ ծառայությունների աղբյուրը հայտնել է, որ պատահարի պատճառը ածխային փոշու բռնկումն է: Ծուխը օդափոխության համակարգի միջով տարածվել է ամբողջ ածխահանքում:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]