Գառնի տաճարի տարածքում պատվանդաններ ու պատմական քարեր կտեղադրվեն
11:32, 19 Նոյեմբեր 2021
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: «Գառնի» պատմամշակութային արգելոց-թանգարանի տարածքում բարեկարգման աշխատանքներ են կատարվում։ Դեպի Գառնիի տաճար տանող ճեմուղու երկու կողմերում տեղադրվելու են բազալտապատ 24 պատվանդաններ:
«Արմենպրես»-ի հաղորդմամբ՝ պատվանդանների վրա կդրվեն հնագիտական նշանակություն ունեցող քարեր և բեկորներ։ Բեկորները բերված են արգելոց-թանգարանի տարբեր մասերից։ Նրանց պատվանդանների վրա տեղադրելու նպատակը նախ՝ այցելուների համար ցուցադրությունն է, երկրորդ՝ քարերը քայքայվելուց պահպանելը։
Նման պատվանդանների վրա քարեր արգելոց-թանգարանի տարածքում տեղադրվել են 2018-ից, սակայն այժմ դրանց քանակն ավելացնելու կարիք է ստեղծվել։
Բաժանորդագրվեք մեր ալիքին Telegram-ում