1000х90.jpg (78 KB)

Երևանում՝ 11:07,   29 Մարտ 2024

ՌԴ պաշտպանության նախարարությունը ապակայունացնող Է որակել Սեւ ծովում ԱՄՆ-ի արտապլանային ակտիվությունը

 ՌԴ պաշտպանության նախարարությունը ապակայունացնող Է որակել Սեւ ծովում ԱՄՆ-ի արտապլանային ակտիվությունը

ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: ՌԴ պաշտպանության նախարարությունն ԱՄՆ-ի զինվորականներին մեղադրել Է Սեւ ծովի տարածաշրջանում ռուսաստանյան սահմանի հարեւանությամբ համախմբումը մեծացնելու եւ ապակայունացնող գործողություններ կատարելու մեջ, տեղեկացնում Է «Արմենպրես»-ը:

«Ռուսաստանի պաշտպանության նախարարությունում նշում են, որ խոսքն ԱՄՆ-ի ուժերի արտապլանային գործողությունների մասին Է, որոնք զինված ուժերի բազմազգ խմբավորում են ստեղծում Ռուսաստանի սահմանների անմիջական մերձակայքում»,-ասվում Է ՌԴ ռազմական գերատեսչության հաղորդագրության մեջ: «Նմանօրինակ գործողություններն ապակայունացնող գործոն են Սեւծովյան տարածաշրջանում, որոնց նպատակներից մեկն Ուկրաինայի տարածքի ռազմական յուրացումն Է»,-հայտարարել են պաշտպանության նախարարությունում:

ՌԴ պաշտպանության նախարարության տվյալներով՝ հոկտեմբերի 30-ից Սեւ ծովի ջրատարածքում Է գտնվում թեւավոր հրթիռներով հանդերձված Porter ամերիկյան Էսկադրային ականակիրը, նոյեմբերի 3-ին ջրատարածք Է մտել John Lenthall լցանավը, նոյեմբերի 4-ին՝ ԱՄՆ-ի ռազմածովային ուժերի Mount Whitney նավը: «Նոյեմբերի 6-ին Սեւ ծովի ջրատարածքի վրա ռազմավարական ռմբակոծիչ օդուժի կիրառման միջոցների կատարելագործման նպատակով Ռուսաստանի Դաշնության պետական սահմաններից  շուրջ 100 կիլոմետր հեռավորությամբ կատարվել են ԱՄՆ-ի ռազմաօդային ուժերի B-1B երկու ռազմավարական ռմբակոծիչների թռիչքները»,-ասվում Է ՌԴ ՊՆ-ի հայտարարության մեջ:

Նրանում ասվում Է, որ ԱՄՆ-ի ռազմածովային ուժերի նավերը ժամանել են մասնակցելու Եվրոպայում ԱՄՆ-ի զինված ուժերի միավորված հրամանատարությամբ Սեւծովյան տարածաշրջանում անցկացվող բազմազգ զորավարժություններին: «Ռուսաստանի զինված ուժերը մշտական դիտարկումներ են անցկացնում եւ վերահսկում իրադրությունը»,-հայտարարել են ՌԴ ՊՆ-ում: Գերատեսչության տվյալներով՝ Porter Էսկադրային ականակիրը եւ Mount Whitney շտաբային նավը գտնվում են Բաթումի նավահանգստում (Վրաստան), John LenthalI լցանավը՝ Սեւ ծովի հարավարեւմտյան մասում, հաղորդել Է «Ինտերֆաքս»-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]