Հայաստանում մեկ օրում հաստատվել է կորոնավիրուսի 2603 դեպք. մահացել է 32 մարդ
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում հոկտեմբերի 21-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 288 հազար 906 դեպք, որոնցից 257 հազար 352-ն` առողջացած, 5902-ը` մահվան ելքով:
«Արմենպրես»-ի հաղորդմամբ՝ այս մասին հայտնում են ՀՀ առողջապահության նախարարությունից, մանրամասնելով, որ վերջին մեկ օրում կատարվել է 14 հազար 928 թեստավորում, որից հաստատվել է կորոնավիրուսային հիվանդության 2603 նոր դեպք: Կա 827 առողջացած, մահացել է 32 մարդ:
Նախորդ օրն արձանագրվել է մահվան 5 դեպք, երբ բուժառուն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 1243 է:
Նախարարությունից տեղեկացնում են, որ կորոնավիրուսային հիվանդությամբ այս պահին փաստացի բուժում է ստանում 24 հազար 409 բուժառու: Ընդհանուր առմամբ, կատարվել է 1 միլիոն 940 հազար 194 թեստավորում:
Բաժանորդագրվեք մեր ալիքին Telegram-ում