1000х90.jpg (78 KB)

Երևանում՝ 11:07,   29 Մարտ 2024

Gilead Sciences-ը Covid-19-ի բուժման համար Հայաստանին կտրամադրի Veklury դեղամիջոց

Gilead Sciences-ը Covid-19-ի բուժման համար Հայաստանին կտրամադրի Veklury 
դեղամիջոց

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Gilead Sciences ընկերությունը հայտարարել է, որ  Հայաստանին կնվիրաբերի 3000 սրվակ Veklury (Remdesivir) դեղամիջոց՝ COVID-19- ով հոսպիտալացված հիվանդներին օգնելու համար: «Արմենպրես»-ի հաղորդմամբ՝ այս մասին հայտնում է Businesswire-ը:

Ընկերությունը 100 հազար սրվակ էլ կտրամադրի Ինդոնեզիային:

«Քանի որ COVID-19- ի դեպքերը կրկին ամբողջ աշխարհում աճում են, և վիրուսը շարունակում է ազդել շատերի կյանքի վրա, մենք շարունակում ենք աշխատել, որ մեր դեղամիջոցները հասնեն նրանց, ովքեր ունեն դրա կարիքը: Այս նվիրատվությունները մեր շարունակական հանձնառության վերջին օրինակն են, և մենք կշարունակենք աշխատել կառավարությունների, առողջապահական մարմինների հետ՝ մեր դեղամիջոցները հնարավորինս արագ հասանելի դարձնելու համար»,-ասել է Gilead Sciences- ի գլխավոր առևտրային պատասխանատու Յոհաննա Մերսիերը:

Նշվում է, որ Gilead- ը սերտորեն համագործակցում է դիստրիբյուտոր գործընկերների և ուղղակիորեն Հայաստանի և Ինդոնեզիայի կառավարությունների հետ `այդ նվիրատվությունների գործընթացը համակարգելու համար:

Նշվում է, որ Veklury-ն COVID-19- ով հոսպիտալացված հիվանդների բուժման հակավիրուսային ստանդարտն է, այս պահին Միացյալ Նահանգներում COVID-19- ով հոսպիտալացված հիվանդների կեսից ավելին բուժվում է Veklury-ով : Veklury-ը հաստատված կամ լիազորված է ժամանակավոր օգտագործման համար աշխարհի մոտ 50 երկրներում:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]