1000х90.jpg (78 KB)

Երևանում՝ 11:07,   29 Մարտ 2024

Լիբանանում խորհրդարանական ընտրությունները տեղի կունենան 2022 թվականի մարտի 27-ին

Լիբանանում խորհրդարանական ընտրությունները տեղի կունենան 2022 թվականի մարտի 27-ին

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Լիբանանի միապալատ խորհրդարանը հոկտեմբերի 19-ին ընդունել Է որոշում 2022 թվականի մարտի 27-ին ընդհանուր ընտրություններ անցկացնելու մասին: Ինչպես տեղեկացնում Է «Արմենպրես»-ը, այդ մասին հայտարարվել Է իշխանության օրենսդիր մարմնի՝ ՅՈՒՆԵՍԿՕ-ի պալատում կայացած նիստի արդյունքների ամփոփումից հետո:

Քվեարկությունը տեղի կունենա համամասնական ընտրական համակարգի հիման վրա, ինչը թույլ կտա, որ խորհրդարանում լինեն բոլոր կրոնական համայնքների ներկայացուցիչները: Ավելի վաղ հանրապետության նախագահ Միշել Աունը հայտարարել Է, որ «առաջիկա ընտրությունները կլինեն ազատ, թափանցիկ եւ կանցնեն ժողովրդավարական մթնոլորտում»:

Նրա խոսքով՝ դրանց առաջին անգամ կմասնակցեն քաղաքացիներ արտասահմանի լիբանանյան համայնքներից, դրանց ներկայացուցիչներին տրամադրվել Է վեց տեղ Պատգամավորների պալատում: Խորհրդարանի խոսնակ Նաբիհ Բերրի տվյալներով՝ այն լիբանանցիների թիվն, ովքեր XIX դարի վերջից վտարանդիության մեջ բնակվում են Հյուսիսային եւ Հարավային Ամերիկայում, Եվրոպայում, Աֆրիկայում եւ Ավստրալիայում, կազմում Է 16 միլիոն, մինչդեռ բուն Լիբանանում բնակչության թվաքանակը չի գերազանցում 6 միլիոնը: Նախորդ ընտրությունները Լիբանանում կայացել են 2018 թվականին, հաղորդել Է ՏԱՍՍ-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]