Ժամանակը Երևանում՝ 11:07:36,   5 Դեկտեմբեր

Եվրոպայում գազի գինը սակարկությունների բացմանը գերազանցել Է հազար խորանարդ մետրի դիմաց 1250 դոլարը

Եվրոպայում գազի գինը սակարկությունների բացմանը գերազանցել Է հազար խորանարդ մետրի դիմաց 1250 դոլարը

ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Եվրոպայում գազի գինը հոկտեմբերի 15-ին Լոնդոնի ICE սակարանում գերազանցել Է հազար խորանարդ մետրի դիմաց 1250 դոլարը, վկայում են առեւտրական հարթակի տվյալները, տեղեկացնում Է «Արմենպրես»-ը:

Նիդեռլանդների TTF հաբում նոյեմբերի ապառնագրի գինը հասել Է հազար խորանարդ մետրի դիմաց 1254,5 դոլարի: Այս պահին գազի գինը փոքր-ինչ դանդաղեցրել Է աճը եւ գտնվում Է հազար խորանարդ մետրի դիմաց 1240 դոլարի մակարդակում: Օրվա սկսզբից գնի ընդհանուր աճը կազմում Է 1,2 տոկոս:

TTF-ն պատմական առավելագույնը սահմանեց հոկտեմբերի 6-ին, երբ գազի գինը գերազանցեց հազար խորանարդ մետրի դիմաց 1900 դոլարը, բայց դրանից հետո սկսեց շեշտակիորեն իջնել: Եվրոպայի գազի շուկայում գների բարձր անկայունությունը կապված Է այդ թվում գազի պահեստարանների ցածր լցվածության հետ առաջիկա ձմռանից առաջ, հաղորդել Է ՏԱՍՍ-ը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]