1000х90.jpg (78 KB)

Երևանում՝ 11:07,   29 Մարտ 2024

Ստոլտենբերգը և Բորելը բանակցություններ են վարել Սերբիայի և Կոսովոյի առաջնորդների հետ

Ստոլտենբերգը և Բորելը բանակցություններ են վարել Սերբիայի և Կոսովոյի 
առաջնորդների հետ

ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: ՆԱՏՕ-ի գլխավոր քարտուղար Ենս Ստոլտենբերգը հեռախոսային բանակցություններ է վարել Սերբիայի նախագահ Ալեքսանդր Վուչիչի և Կոսովոյի ինքնահռչակ հանրապետության վարչապետ Ալբին Կուրտիի հետ՝ Սերբիայի և Կոսովոյի իշխանությունների միջև լարվածության աճի ֆոնին, տեղեկացնում է «Արմենպրես»- ը՝ վկայակոչելով «ՌԻԱ Նովոստի»-ն:

«Բելգրադի և Պրիշտինայի համար կենսականորեն կարևոր է զսպվածություն դրսևորելը և երկխոսության վերադառնալը», - բանակցությունների արդյունքներով Twitter-ում գրել է Ստոլտենբերգը:

Նա հիշեցրել է, որ ՆԱՏՕ-ի ղեկավարությամբ KFOR միջազգային զորախմբի խնդիրը նախկինի պես անվտանգ և հանգիստ իրադրության ապահովումն է, ինչպես նաև բոլորի համար ազատ տեղաշարժի ապահովումը:

Իր հերթին ԵՄ դիվանագիտության ղեկավար Ժոզեպ Բորելը Սերբիայի և Կոսովոյի առաջնորդների հետ բանակցությունների արդյունքում մատնանշել է նրանց պատասխանատվությունը տեղի բնակչության անվտանգության և բարեկեցության համար: «Կոսովոն և Սերբիան պետք է լուծումներ գտնեն իրավիճակը լիցքաթափելու համար, պայմանավորվեն հետագա գործողությունների մասին։ ԵՄ-ն ակտիվորեն կաջակցի նման ջանքերին», - ասվում է Բորելի գրավոր հայտարարության մեջ։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]