Աստղաձորում ասֆալտապատվել է երեք փողոց
ԳԱՎԱՌ, 23 ՍԵՊՏԵՄԲԵՐԻ, ԱՐՄԵՆՊՐԵՍ։ Գեղարքունիքի մարզի Աստղաձոր համայնքում ՀՀ կառավարության կողմից իրականացվող սուբվենցիոն ծրագրերի շրջանակներում ասֆալտապատվել է երեք փողոց։
Ինչպես «Արմենպրես»-ին տեղեկացրին Գեղարքունիքի մարզպետարանի քաղաքաշինության վարչությունից, շինարարական աշխատանքների պայմանագրային արժեքը կազմում է 54 միլիոն 588 հազար դրամ, որի 40 տոկոսը հատկացրել է ՀՀ կառավարությունը, 60 տոկոսը՝ Աստղաձորի համայնքապետարանը։ §Ծրագրի շրջանակներում հիմնանորոգվել են 2-րդ, 40-րդ եւ 43-րդ փողոցները։ Հիմնանորոգված ճանապարհների ընդհանուր երկարությունը կազմում է 950 գծամետր, մակերեսը՝ շուրջ 4933 քառակուսի մետր։ Շինարարական աշխատանքներն իրականացրել է «Շանթ-Սեյրան» ՍՊԸ¦-ն։
«Ծրագրի իրականացման արդյունքում բազմաթիվ ընտանիքներ արդեն երթեւեկում են բարեկարգ ու մաքուր ճանապարհներով։ Հետագա տարիներին կաշխատենք հասնել նրան, որ բարեկարգ ճանապարհներ կառուցվեն բոլոր փողոցներում կամ նրբանցքներում, որպեսզի կյանքի պայմանները բարելավված լինեն ամեն մի ընտանիքի համար»,-ասաց Աստղաձոր համայնքի ղեկավար Ռոբերտ Խաչատրյանը։
Խոսրով Խլղաթյան
Բաժանորդագրվեք մեր ալիքին Telegram-ում