ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի գավաթի խաղարկության քառորդ եզրափակչի ուղեգիր նվաճեցին «Փյունիկ»-ը և «Վան»-ը:

«Արմենպրես»-ի հաղորդմամբ` Հայաստանի գավաթի խաղարկության 1/8 եզրափակիչում Երևան «Փյունիկ»-ը մրցեց ԲԿՄԱ-ի հետ և առավելության հասավ հանդիպման ավելացված ժամանակում խփած գնդակի շնորհիվ: «Փյունիկ»-ի կազմում դուբլիլ հեղինակ դարձավ Ֆիրմինոն: ԲԿՄԱ-ից էլ աչքի ընկավ Սերոբյանը (1:2):

«Վան»-ը քառորդ եզրափակիչի ուղեգրի համար պայքարեց «Սևան»-ի հետ և միայն հետխաղյա 11 մետրանոց հարվածների շնորհիվ դուրս եկավ հաջորդ փուլ: Խաղի հիմնական ժամանակն ավարտվել էր ոչ-ոքի` 2:2 հաշվով (3:1):

Ավելի վաղ քառորդ եզրափակիչի ուղեգիր էին նվաճել նաև «Արարատ-Արմենիա»-ն և «Նորավանք»-ը: