Ժամանակը Երևանում՝ 11:07:36,   22 Հունվար

«Վան»-ը երկու նոր համալրում ունի կազմում

«Վան»-ը երկու նոր համալրում ունի կազմում

ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Չարենցավանի «Վան» ֆուտբոլային ակումբը նոր համալրումներ ունի կազմում:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Թիմին են միացել ԱՄԷ-ի Պրո Լիգայում հանդես եկող «Խոր Ֆական» ակումբի հարձակվող Պասկալ Չիդի Բոլուն և Մոսկվայի ԲԿՄԱ-ի սան՝ կիսապաշտպան Նորիկ Մկրտչյանը:

Հայաստանի ֆուտբոլի Պրեմիեր լիգայի աղյուսակը գլխավորում է «Արարատ-Արմենիան»:

Երևանյան ակումբն ունի 18 միավոր: Երկրորդ տեղում 15 միավորով «Արարատն» է, իսկ եռյակը եզրափակում է «Սևանը» 13 միավորով: 4-րդն «Փյունիկն» է (10 միավոր), 5-րդը` «Ուրարտուն» (9 միավոր), 6-րդը` «Վանը» (7 միավոր), 7-րդը` «Նորավանքը» (4 միավոր), 8-րդը` «Նոան» (4 միավոր): Ընդամենը մեկ միավոր ունի «Ալաշկերտը», և ոչ մի միավոր չունի ԲԿՄԱ-ն:

Առաջնության 7-րդ տուրը կկայանա սեպտեմբերի 20-ին, 21-ին, 22-ին և 23-ին: Միմյանց հետ կմրցեն հետևյալ զույգերը` «Ալաշկերտ»-«Նորավանք», ԲԿՄԱ-«Արարատ», «Վան»-«Նոա», «Արարատ-Արմենիա»-«Ուրարտու», «Փյունիկ»-«Սևան»:

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]