ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Հարավկորեական GL Rapha ընկերությունը, որ իրականացրել Է նոր կորոնավիրուսային վարակի դեմ ռուսաստանյան պատվաստանյութերի արտադրությունը, ակտիվ բաղադրիչ Է պատրաստել «Սպուտնիկ Լայթ» պատվաստանյութի 10 միլիոն չափաբաժնի համար եւ հույս ունի շուտով սկսել դրա մատակարարումները համաշխարհային շուկա: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել են ընկերությունում:

«Hankook Korus-ը (GL Rapha-ի դուստր ձեռնարկությունը) ներկա դրությամբ ավարտել Է «Սպուտնիկ Լայթ»-ի 10 միլիոն չափաբաժնի համար ակտիվ բաղադրիչի արտադրությունը եւ նախապատրաստական աշխատանքներ Է տանում դրանց հաջորդող բեռնառաքման համար: Մենք պատրաստվում ենք այն բանին, որպեսզի բեռնառաքումն իրականացնենք հենց որ ռուսական կողմը ավարտի GMP-ի (պատշաճ արտադրական պրակտիկա) ստանդարտների հավաստագրման ստուգումը»,-հայտարարել Է հասարակայնության հետ կապերի գծով GL Rapha-ի բաժնի պետ Կիմ Գի Յոնը: Ռուսաստանի ուղղակի ներդրումների հիմնադրամը (ՌՈւՆՀ) եւ GL Rapha հարավկորեական բիոտեխնոլոգիական ընկերությունն անցյալ տարվա նոյեմբերին պայմանավորվել են «Սպուտնիկ V» պատվաստանյութի արտադրության շուրջ՝ երրորդ երկրներ արտահանելու համար:

Պարտավորագրային արտադրությունն իրականացվում Է Չհունչհոն քաղաքում գտնվող Hankook Korus Pharm գործարանում. այդ ձեռնարկությունից մատակարարումների ծավալը պետք Է կազմի տարեկան ավելի քան 150 միլիոն չափաբաժին: GL Rapha-ի ներկայացուցչի խոսքով՝ սկզբում շեշտը դրվում Էր «Սպուտնիկ V»-ի արտադրության վրա, սակայն հետագայում ընկերությունը ՌՈւՆՀ-ի խնդրանքով զբաղվել Է «Սպուտնիկ Լայթի» թողարկմամբ: Միաբաղադրիչ պատվաստանյութի արտադրությունն իրականացվում Է ի լրումն ավելի վաղ «Սպուտնիկ V»-ի համաձայնեցված ծավալների, հաղորդել Է ՌԻԱ Նովոստին: