Ֆուտբոլի ընտրանին նահանջել է վարկանիշային աղյուսակում
12:45, 16 Սեպտեմբեր 2021
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմը նահանջել է ՖԻՖԱ-ի վարկանիշային աղյուսակում:
«Արմենպրես»-ի հաղորդմամբ` Ֆուտբոլի միջազգային ֆեդերացիան հրապարակել է սեպտեմբեր ամսվա նոր վարկանիշային աղյուսակը, որտեղ Հայաստանի ընտրանին 89-րդն է: Նախորդ ամիս Խոակին Կապառոսի գլխավորած թիմը 88-րդն էր:
Դասակարգման աղյուսակի առաջատարն անփոփոխ է` Բելգիա: Լավագույն տասնյակում են նաև Բրազիլիան, Անգլիան, Ֆրանսիան, Իտալիան, Արգենտինան, Պորտուգալիան, Իսպանիան, Մեքսիկան և Դանիան:
Բաժանորդագրվեք մեր ալիքին Telegram-ում