1000х90.jpg (78 KB)

Երևանում՝ 11:07,   28 Մարտ 2024

Սփյուռքահայ մասնագետները վերապատրաստել են Հայաստանի բոլոր մարզերի ուսուցիչներին

Սփյուռքահայ մասնագետները վերապատրաստել են Հայաստանի բոլոր մարզերի 
ուսուցիչներին

ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի և ՀՀ մարզերի տասնյակ տնօրեններ և ուսուցիչներ հավաքվել էին՝ նշելու իրենց մեկամյա վերապատրաստման ավարտը, որը կրում էր «Դպրոցի կառավարում» թեման և իրականացվում սփյուռքահայ մասնագետների կողմից: Վկայականների հանձնման ընթացքում  17 ուսուցիչներ ստացան նաև պարգևներ հայկական ինքնության և մշակույթի դասավանդման գործում ցուցաբերած առաջընթացի համար:

Ինչպես «Արմենպրես»-ին տեղեկացրին ՀՀ սփյուռքի գործերի գլխավոր հանձնակատարի գրասենյակից, դասընթացը կազմակերպել էին սփյուռքահայ մասնագետներ Նարինե Սիրականյանը և Օննիկ Բայրամյանը, ովքեր ՀՀ պետական կառավարման համակարգին էին միացել ՀՀ սփյուռքի գործերի գլխավոր հանձնակատարի գրասենյակի «իԳործ» ծրագրի շրջանակներում: 250 դպրոցների շուրջ 1600 տնօրեններ, փոխտնօրեններ և ուսուցիչներ ստացել են առցանց և առկա վերապատրաստումներ՝ ձեռք բերելով նորագույն դասավանդման տեխնոլոգիաներ և հմտություններ: Դասընթացի թեմաները ներառել են տարբերակված դասարանի պարզ մոդելը, ուսուցիչների գնահատման համակարգը, կատարողականի չափորոշիչները և այլն:

«Ինչպես էլ անվանենք այս դասընթացները, դրանք սփյուռքի մասնագիտական ներուժի ներգրավման վառ օրինակ են: Կրթության միջոցով մենք կարող ենք հասնել մեր ազգային նպատակներին՝ ստեղծելով ապահով, գիտելիքահեն և առաջադեմ երկիր»,- նշել է գլխավոր հանձնակատար Զարեհ Սինանյանը:

«Մայրաքաղաք Երևանի, Լոռու, Տավուշի, Արարատի, Սյունիքի մազերի ուսուցիչներն ընդգծեցին, որ վերապատրաստման արդյունքում զգացել են մասնագիտական աճ  և դասավանդման մշակույթի փոփոխություններ: 

«Նարինեի և Օննիկի դասընթացն այնքան դրական արձագանք է ստացել ուսուցիչների և դպրոցների ղեկավարների կողմից, որ նրանք ստեղծել են «Քեզ համար, Հայաստան» հասարակական կազմակերպությունը շարունակելու համար իրենց առաքելությունը: Ավելին, այդ կազմակերպության շրջանակներում նրանք նպատակ ունեն Հայաստանում ստեղծել 5-10 STEAM (գիտություն, տեխնոլոգիա, ճարտարագիտություն, արվեստ և մաթեմատիկա) լաբորատորիաներ և վերապատրաստել համապատասխան ուսուցիչների: Նրանք կներդնեն ջանքեր և ֆինանսական ռեսուրսներ այս ամենը կյանքի կոչելու համար»,- ասվում է հաղորդագրության մեջ:

«Ցանկանում եմ շնորհակալություն հայտնել բոլոր այն նվիրյալ ուսուցիչներին, որոք միշտ պատրաստ են ողջունել փոփոխությունները և պատրաստ լինել ապագա սերունդին»,- ասել է նախկին «իԳործ»-ական, «Քեզ համար, Հայաստան» ՀԿ-ի փոխնախագահ Նարինե Սիրականյանը:

«Հայաստանի և Արցախի կրթական գործի կազմակերպիչները 21-րդ դարի այն օրինակներն են, որոնք ապագա սերունդներին ուղղորդելու են հաղթանակների: Ես բախտավոր եմ հնարավորություն ունենալ նպաստել նրանց գործին և կշարունակեմ անել լավագույնը նրանց մասնագիտական հմտությունների զարգացման համար»,- նշել է նախկին «իԳործ»-ական, «Քեզ համար, Հայաստան» ՀԿ-ի  նախագահ Օննիկ Բայրամյանը:

Ըստ աղբյուրի՝ Վրաստանից վերադարձած Նարինե Սիրականյանը և Արաբական Միացյալ Էմիրություններից ժամանած Օննիկ Բայրամյանը նախորդ մեկ տարին «իԳործ» ծրագրի շրջանակներում ներգրավված են եղել ՀՀ կրթության, գիտության, մշակույթի և սպորտի նախարարության և ՀՀ կրթության տեսչական մարմնի աշխատանքներին։

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]