Ժամանակը Երևանում՝ 11:07:36,   25 Սեպտեմբեր

Արցախում տարհանվել  է ևս 6 զինծառայողի աճյուն

Արցախում տարհանվել  է ևս 6 զինծառայողի աճյուն

ՍՏԵՓԱՆԱԿԵՐՏ, 3 ՕԳՈՍՏՈՍԻ, ԱՐՄԵՆՊՐԵՍ: Արցախի ՆԳՆ արտակարգ իրավիճակների պետական ծառայությունը պատերազմի ընթացքում զոհված և անհետ կորած համարվող զինծառայողների աճյունների որոնողական աշխատանքներն օգոստոսի 3-ին շարունակել է Վարանդայի (Ֆիզուլի) շրջանում:

Ինչպես «Արմենպրես»տեղեկացավ ծառայության կայքից, հայտնաբերվել է 3 հայ զինծառայողի աճյուն: Եվս 3 աճյուն ադրբեջանական կողմը ռուսական խաղաղապահ առաքելության զորակազմի միջնորդությամբ հայկական կողմին է փոխանցել Մարտունու շրջանի Կարմիր Շուկա-Շեխեր համայնքների հատվածում:

«Ընդհանուր առմամբ, օգոստոսի 6-ին Ադրբեջանի վերահսկողության տակ անցած տարածքներից տարհանվել է 6 աճյուն»,- հայտնում են  Արցախի ՆԳՆ ԱԻՊԾ-ից՝ հավելելով, որ նրանց ինքնությունը կհաստատվի դատաբժշկական փորձաքննությունից հետո: 

Ըստ աղբյուրի՝ 2020 թվականի նոյեմբերի 13-ից առ այսօր որոնողական աշխատանքների արդյունքում տարհանվել է 1629 աճյուն:  








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]