Ժամանակը Երևանում՝ 11:07:36,   17 Սեպտեմբեր

Լիտվայում սահմանային անցակետերը լի են միգրանտներով

Լիտվայում սահմանային անցակետերը լի են միգրանտներով

ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Լիտվայի սահմանային անցակետերում ներկայում տեղակայված է 2 հազար միգրանտ՝ եկած Բելառուսից: Անօրինական միգրանտներին տեղակայելու համար Վիլնյուսը դիտարկում է ԵՄ անդամ մյուս երկրներին դիմելու հնարավորությունը: «Արմենպրես»-ի հաղորդմամբ, «Deutsche Welle»-ն տեղեկացնում է, որ Լիտվան հասել է սահմանային անցակետերում միգրանտների տեղաբաշխման հնարավորությունների վերջնակետին: Լիտվայի Պետական սահմանի անվտանգության ծառայության ղեկավար Ռուստամաս Լյուբաևասը նշել է, որ երկրի բոլոր անցակետերը լցված են:

«Բոլոր սահմանային անցակետերը լի են միգրանտներով: Նրանց տեղակայելու հարցում մենք հասել ենք մեր հնարավորությունների առավելագույնին»,- ասել է նա:

Նշվում է, որ օրեցօր միգրանտների թիվն ավելանում է: Միայն օգոստոսի 2-ի առավոտյան սահմանն անօրինական հատել է 109 միգրանտ: 2021 թվականի սկզբից մինչև հիմա լիտվական սահմանը Բելառուսից անօրինական ձևով հատել է արդեն շուրջ 4 հազար միգրանտ: Դա մի քանի անգամ ավելին է, քան 2020 թվականին: Նշվում է նաև, որ Բելառուսի տարածքից լիտվական սահմանն անօրինական հատող քաղաքացիների շրջանում շատ են անձինք Իրաքից, Իրանից և Սիրիայից:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]