Ժամանակը Երևանում՝ 11:07:36,   26 Հոկտեմբեր

Մեկնարկել է ութերորդ գումարման ԱԺ-ի առաջին նիստը. ՈՒՂԻՂ

Մեկնարկել է ութերորդ գումարման ԱԺ-ի առաջին նիստը. ՈՒՂԻՂ

ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Մեկնարկել է  ութերորդ գումարման Ազգային ժողովի առաջին նստաշրջանը: «Արմենպրես»-ի հաղորդմամբ՝  առաջին նստաշրջանի օրակարգում ընդգրկված է 7 հարց:

ԱԺ կանոնակարգ օրենքի համաձայն՝ առաջին նստաշրջանի նիստերը բացում և մինչև Ազգային ժողովի նախագահի ընտրվելը նախագահում է տարիքով ավագ պատգամավորը: Այս խորհրդարանի տարիքով ավագ պատգամավորն է «Քաղաքացիական պայմանագիր»-ից Կնյազ Հասանովը: Հունիսի 20-ին անցկացված արտահերթ խորհրդարանական ընտրություններով ձևավորված Ազգային ժողով է անցել երեք քաղաքական ուժ՝ «Քաղաքացիական պայմանագիր» կուսակցությունը, «Հայաստան» և «Պատիվ ունեմ» դաշինքները: Ընդհանուր առմամբ խորհրդարան է անցել 107 պատգամավոր:

Առաջին նստաշրջանի ընթացքում ԱԺ-ում կստեղծվի հաշվիչ հանձնախումբ, խորհրդարանը կընտրի ԱԺ նախագահ, նախագահի երեք տեղակալներ: Օրակարգում են նաև ԱԺ մշտական հանձնաժողովների ստեղծման և դրանց նախագահների ընտրության հարցերը:

Առաջին նստաշրջանի օրակարգում ընդգրկված են նաև կառավարության առաջարկությամբ՝ Կառավարության կառուցվածքի փոփոխության վերաբերյալ օրենքի նախագծի քննարկումը, կառավարության ծրագրին հավանություն տալու հարցը:

Չորս քաղաքական ուժ, այդ թվում խորհրդարան անցած «Հայաստան» և «Պատիվ ունեմ» դաշինքները, թեև ՍԴ-ում վիճարկել էին ընտրությունների արդյունքները, սակայն Սահմանադրական դատարանն անփոփոխ թողեց ընտրությունների արդյունքների վերաբերյալ Կենտրոնական ընտրական հանձնաժողովի որոշումը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]