Իրաքում «Իսլամական պետություն» ահաբեկչական խմբավորման 14 անդամ է ձերբակալվել
18:05, 28 Հուլիս 2021
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Իրաքի հակաահաբեկչական վարչության աշխատակիցները երկրի տարբեր նահանգներում ձերբակալել են ծայրահեղական «Իսլամական պետություն» ահաբեկչական խմբավորման 14 անդամի: «Արմենպրես»-ի փոխանցմամբ, այս մասին հայտնել է Իրաքի զինված ուժերի հրամանատարի ներկայացուցիչ Յահյա Ռասուլը:
Նշվում է, որ ձերբակալված ահաբեկիչներից ոմանք նախապատրաստելիս են եղել նոր ահաբեկչություններ, մասնավորապես՝ բարձրավոլտ լարերի պայթյուններ:
Իրաքի իշխանությունները 2017 թվականին հայտարարել էին երկրում ԻՊ խմբավորման դեմ հաղթանակ տանելու մասին: Այդուհանդերձ, այսօր էլ իրավապահները երկրի տարբեր նահանգներում գործողություններ են իրականացնում ահաբեկչական խմբավորման անդամների հայտնաբերելու նպատակով:
Բաժանորդագրվեք մեր ալիքին Telegram-ում