Չինաստանի կենտրոնում հեղեղումներն առնվազն 25 մարդու կյանք են խլել
21:30, 21 Հուլիս 2021
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Չինաստանի կենտրոնական Հենան նահանգում ուժեղ անձրևների հետևանքով հեղեղումները առնվազն 25 մարդու կյանք են խլել: Ինչպես փոխանցում է «Արմենպրես»-ը, այս մասին հայտնում է Reuters-ը:
Որոշ փորձագետների գնահատմամբ՝ վերջին 1000 տարվա ընթացքում սրանք այս տարածաշրջանի ամենահորդառատ անձրևներն են:
Շուրջ 100 հազար մարդ տարհանվել է ապահով գոտիներ:
Տարերային աղետի հետևանքով ընդհանուր առմամբ տուժել է 1.2 մլն մարդ: Տուժած շրջաններում խախտվել են ջրամատակարարումն ու էլեկտրամատակարարումը:
Բաժանորդագրվեք մեր ալիքին Telegram-ում