Գերմանիայում հեղեղումների ապահովագրված վնասի չափը հասնում է 5 մլրդ եվրոյի
19:37, 21 Հուլիս 2021
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Գերմանիայի Հյուսիսային Հռենոս-Վեսթֆալիա և Ռայնլանդ Պֆալց երկրամասերում հեղեղումների հետևանքով ապահովագրված վնասի չափը 4-5 մլրդ եվրո է կազմում: Ինչպես փոխանցում է «Արմենպրես»-ը, այս մասին հայտնել է գերմանական ապահովագրական GDV ասոցիացիան:
Նշվում է, որ վնասը շատ ավելի մեծ է, քան 2002 թվականի օգոստոսի հեղեղումների ժամանակ, երբ վնասը գնահատվել էր 4.65 մլրդ եվրո:
«Բերնդ» ցիկլոնի հետևանքով Գերմանիայի արևմտյան հատվածներում չդադարող անձրևները հանգեցրել էին հեղեղումների, որի պատճառով զոհվել էր 160 մարդ, զգալի վնասներ էին կրել ենթակառուցվածքները:
Բաժանորդագրվեք մեր ալիքին Telegram-ում