Արմեն Չարչյանը կվերցնի պատգամավորական մանդատը
13:10, 21 Հուլիս 2021
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: «Հայաստան» դաշինքի անդամ, պատգամավորի թեկնածու Արմեն Չարչյանը վերցնելու է պատգամավորական մանդատը: «Արմենպրես»-ի փոխանցմամբ՝ այս մասին հայտնեց Արմեն Չարչյանի պաշտպան Արամ Վարդևանյանը՝ Արմեն Չարչյանին գրավի դիմաց ազատ արձակելու դատարանի որոշումից հետո լրագրողների հետ զրույցում:
«Կարող եմ ասել, որ Արմեն Չարչյանը վերցնելու է պատգամավորական մանդատը»,- ասաց Վարդևանյանը:
Երեւանի ընդհանուր իրավասության դատարանը՝ դատավոր Վահե Միսակյանի նախագահությամբ, «Հայաստան» դաշինքի անդամ, «Իզմիրլյան» բժշկական կենտրոնի ղեկավար Արմեն Չարչյանին գրավի դիմաց ազատ արձակելու միջնորդությունը բավարարելու որոշում է կայացրել։ Չարչյանն ազատ կարձակվի 15 միլիոն դրամ գրավի դիմաց:
Բաժանորդագրվեք մեր ալիքին Telegram-ում