Պատմության հետագծով
ԵՐԵՎԱՆ, 10 ՀՈՒԼԻՍԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1996 թ. հուլիսի 10-ին մահացել է Ալեք Մանուկյանը՝ հայ հասարակական գործիչ, մեծահարուստ բարերար, ճարտարագետ, արդյունաբերող։ Հայաստանի ազգային հերոս (1994)։
-1836 թ. հուլիսի 10-ին մահացել է Անդրե Մարի Ամպերը՝ ֆրանսիացի ֆիզիկոս եւ մաթեմատիկոս: Ամպերն էլեկտրադինամիկայի հիմնադիրներից է, Ֆրանսիայի գիտությունների ակադեմիայի անդամ։ Ամպերը էլեկտրական հոսանքի միավոր է, որը նախապես սահմանվել էր որպես 1 Ա. էլեկտրական այնպիսի անփոփոխ հոսանքի ուժն է, որը անցնելով 1 Օհմ դիմադրությամբ հաղորդիչով՝ նրա ծայրերին առաջացնում է 1 Վ լարում։
-1856 թ. հուլիսի 10-ին ծնվել է Նիկոլա Տեսլան՝ ազգությամբ սերբ ամերիկացի ճարտարագետ, ֆիզիկոս, ինչպես նաեւ գյուտարար՝ էլեկտրատեխնիկայի եւ ռադիոտեխնիկայի բնագավառում։ Առավել հայտնի է փոփոխական հոսանքի ժամանակակից էլեկտրամատակարարման համակարգում ունեցած իր ներդրումով։
-1878 թ. հուլիսի 10-ին Անգլիայում առաջին անգամ ֆուտբոլային մրցավարը սուլիչ օգտագործեց: Մինչ այդ հարկ եղած դեպքում նա պարզապես բղավում էր։
-1890 թ. հուլիսի 10-ին Վայոմինգը դարձավ ԱՄՆ-ի 44-րդ նահանգը։
-1915 թ. հուլիսի 10-ին սկսվեց Մուշ քաղաքի եւ նրա շրջակայքի բնակչության զանգվածային կոտորածը։
-1943 թ. հուլիսի 10-ին, Երկրորդ համաշխարհային պատերազմի ժամանակ, Կուրսկի ճակատամարտի ամենաթեժ մարտերի պահին Սիցիլիա կղզում իջեցվեց անգլո-ամերիկյան մեծաքանակ դեսանտ։
Հետաքրքիր է իմանալ
-Երկրագնդի ամենափոքր թփերն աճում են Գրենլանդիայում. դրանք թզուկ ուռենիներն են, որոնց բարձրությունը 5 սմ-ից չի անցնում:
-Աշխարհի ամենաերկար ավտոմեքենան կառուցվել է 1929 թ., հատուկ պատվերով, ԱՄՆ-ում: Դրա երկարությունը 8.99 մ է, ունի երկու գունավոր հեռուստացույց, տեսամագնիտոֆոն, 8 բարձրախոս, բար, սառնարան, չհրկիզվող պահարան, հեռախոս:
-Բարձրակրունկ կոշիկները երեւացել են ուշ միջնադարում: Դրանց հայրենիքը Փարիզն է:
-Նոր տարվա գաղափարը Եգիպտոսում կապվել է Նեղոս գետի հետ: Նեղոսի վարարման եւ Սիրիուս աստղի երեւալու միջեւ ընկած ժամանակաշրջանը կոչվել է տարի:
-Լոս Անջելես քաղաքի հուշանվերների խանութներում վաճառվում են յուրօրինակ մոխրամաններ, որոնք տրամադրում են չծխել: Բանն այն է, որ երբ սիգարետի մոխիրը գցում են մոխրամանի մեջ, լսվում է ծխողի հազ հիշեցնող ձայն: Ամեն անգամ մոխրամանը «հազում» է 30 վայրկյան:
Ա. Հ.
Բաժանորդագրվեք մեր ալիքին Telegram-ում